不想長大的大爺

不想長大的大爺

感性既大爺近排發作

((想記低佢XD))

臨瞓講完故事, 佢又未瞓著, 通我常傾下無聊野

我:"軒軒大個啦, 遲啲唔同媽媽瞓架喇"

大爺:"我唔想大個, 我要永遠2歲半"

我:"吓, 咁咪永遠都咁矮得得囉"

大爺:"係啊, 我鐘意矮得得架, 我大個你唔同我瞓, 我咪一個人好慘"

我:"咁矮得得點保護我架嘛"

大爺眼濕濕用啲哭腔話:"我唔想大個~嗚~ 我大個你就會老架喇, 會有白頭髮~嗚"

我:"個個都會老架, 媽媽呢家都有白頭髮"

 大爺開始有眼淚出黎, 仲o係度摷我啲頭髮:

"我唔喓你有白頭髮~~你老左就去第二個地方唔返黎架啦~~嗚嗚~~"

"去左第二個地方就見唔到你架啦~~哇~~嗚嗚~~ 我會好掛住你架"

然後就係度喊喇!!@__@

 

我:"咁你俾我早啲瞓, 瞓多啲咪唔會老得咁快囉"

大爺:"唔會架, 你要做多啲運動先得架, 咁先唔會老架"

我:"好啦, 咁我做多啲運動啦"

大爺又喊話:"但係~~你~~你成日要返工, 都無時間做"

嗚嗚嗚嗚~~((又係度喊))

喊住個頭腦都咁清醒, 又知我無時間做運動wakakaka