[BIG Yeah]] 和3個女生有個約會((野餐--綿繡花園))

28 NOV 2015

野餐@綿繡花園

天氣涼涼地, 同小朋友去野餐真係好好既節目

又有一大遍草地俾佢地跑, 媽媽們又可以閒聊

今日第一次黎綿繡花園野餐, 依個地方的確唔錯喎~

對於我新界北既人黎講~~係方便既!!

上水就有去錦繡既專線巴士, 4個字左右就到!! 

一落車己經見到個湖喇!

大爺仲企係度睇左陣風景, 仲話"嘩, 好靚啊"

湖入面又有好多魚, 大爺話想餵野俾佢地食~

睇左陣就行左入巿場,好似啲屋村咁

又有OK, 大家樂, 餐廳, 超巿咁..幾方便!

黎到先買野飲~

 巿場隔離就係停車場, 我地會合左啲JA車人仕,就過隔離個草地

可能元朗遠, 呢度無乜人黎, 好靜, 環境非常好~

 

婷婷呢支泡泡槍勁啊, 好想買返支
一個一波波, 包住幾個細波波

婷婷好慘, 拎住個兜俾大爺點泡泡水
拎拎下唔對勁, 問:"點解我淨係負責拎住, 無得玩?"
hahaha, 笑死我!!

呢個大爺真係, 唔識氹女仔既~
下次過返佢幾招先得!

玩玩下又唔玩, 走去追泡泡!!

依四個小朋友, 連個帳篷都拆埋
仲瞓入去好開心甸黎甸去, 傻左咁~

玩玩下仲搬走, 又搬返返黎
真係玩到無野好玩~~

大爺對BB好溫柔!!見BB爬出地墊仲扶返佢入黎

玩到咁上下坐低食下野!!
今日解禁, 俾少少熱氣野佢食~

通常去野餐我係最無貢獻既人黎
個個都有整野食架~~我就負責帶大爺黎~HAHAHAHA 

食完依四個小朋友又不停跑

仲玩捉~
睇下大爺被捉得幾咁開心~~WAKAKAKAKA

到佢捉返人

大爺好驚訝咁??咁大既個泡泡~~

草地對面就有個公園啦! 除左sir滑梯仲有千秋
呢個公園都唔錯, 好好玩!!!

由1點玩到差不多5點就走喇!!!玩足半日~

臨走仲見到黑天鵝~大爺同佢地講BYE BYE!!

呢度下次可以再黎, 唔使去海濱公園同佐敦谷同人迫