[山系大爺] 粉嶺蝴蝶山徑

05 DEC 2015
[山系大爺] 粉嶺蝴蝶山徑
朝早仲緊同大爺一齊賴床既時候, 公公又whatsapp黎問我地今日有冇節目
結果, 一早又同左大爺, 公公, 婆婆去行山!
今日天陰陰, 所以近近地去左蝴蝶山徑 
大爺以前成日同公公婆婆黎行,我就多數唔行
因為多樓梯, 但今日大爺話好想我一齊行~咁就一齊去lu!
我地仲嘆左個早茶食飽飽先出發~

為免大爺又搶住我部相機黎影, 公公帶左部俾佢慢慢玩!
大爺:"你影我啊, 我又影你啊"

影左之後佢就自high, 唔知係度笑乜野

其實呢條蝴蝶山徑全部係石屎路黎
但公公就鐘意帶我地行啲泥路, 仲話係捷徑

唉, 黎喇黎喇!!見唔到盡頭既長樓梯~~
阿大爺就無有怕, 仲好風騷
扭PATPAT又嘟晒咀..

大面

上到去坐底吔個包先

大爺最愛既菠蘿包
呢個包好抵食, 每見到一個亭大爺都要坐底食幾啖先起行
食到落山都仲食緊..HAHAHA

超級車迷連行山都拎住架車~~
我個背包仲有幾架囉.=.=!!

又唔知邊度執支野搞公公WAKAKAKA

回程經過個亭, 大爺話我知有得玩呼啦圈架,
仲話掛左係個亭度, 然後就自己走左去拎呼啦圈
真係黎慣黎熟咁bor!!

佢地唔係扭呼啦圈, 係碌呼啦圈!!

咁岩又發現我個袋有吹泡泡就拎出黎俾佢玩
((好明顯我係無執袋XD))

行完就返去瞓晏覺豬喇!!
我真係唔適合行多樓梯既山, 真係痛足我2日~