[BIG Yeah K1] 聖誕嘉年華

19 Dec 2015

[BIG Yeah K1] 聖誕嘉年華

今日係大爺期待己久既學校聖誕嘉年華

老師有同佢地講過, 所以大爺成個星期都話要同Dad Dad MaMa一齊去!

可惜大爺爸放唔到假, 得MaMa陪佢去!!

呢日一如以往大爺晨咁早就起身, 我地就9:30返到學校!

諗住早啲去無咁多人排隊!!XD

聖誕嘉年華係學校操場舉行, 我地就排隊拎籌做小手工同畫面

一早去既好處就係唔使等, 拎完籌唔使點等就有得玩喇!!

小手工時間, 大爺揀左做雪人

登登, 條七彩頸巾係大爺話要整~

做完雪人就夠鐘去畫面面喇!

本身大爺係揀左畫面架, 但佢見完啲哥哥晝完佢又驚, 又話要轉畫手

(我都諗佢做乜揀畫面, 明明佢有潔癖)

老師幫佢畫左聖誕樹^^大爺好鐘意!!

嘉年華仲有得買野飲, 爆谷同燒賣

大爺當然又話要食啦!

食完就去排隊玩攤位 , 總共有八個攤位

好彩帶左婆婆黎..WAKAKA, 一人排一條

玩完一個攤位, 就會有一份小禮物 

無論你輸定嬴都會有XD 事前老師己經叫定家長記住帶環保袋黎裝

呢份大爺好鐘意既笛

我以為玩具吹唔到啲咩音出黎, 點知返到屋企大爺爸竟然吹左首歌XD

係操場巧遇同學仔, 我其實都唔認得, 係佢地自己相認HAHA

見到佢地相認, 真係好得意!!

未夠11點就玩完晒啲攤位,

11點亦有抽獎時間, 不過抽唔中

下段抽奬時間成12點, 所以唔等lu,同埋婆婆去飲茶醫肚

不過我俾低左張抽獎卷同學仔媽媽, 如果抽中就幫我拎

臨走影張相先

去飲茶途中又巧遇到啲同學仔

一見面就己經玩到癲左咁haha, 真係開心!!

飲完茶行返屋企途中, 同學仔媽咪話大爺抽中奬

咁岩又係學校附近就同大爺返去拎

咁樣返一返去, 大爺就唔捨得走

同同學仔o係學校個遊樂場玩跑黎跑去

仲主動分享佢最愛個架車車俾同學仔一齊玩!!

結果, 我地係玩到2點嘉年華完結先走

大爺既班主任, 體能老師 同埋校長

今日無DAD DAD, 但有婆婆陪一樣開心!!