[沖繩DAY 5] 大爺生日衝一沖 ~OUTLET/ 機場~

22 MAR 2016

[沖繩DAY 5] 大爺生日衝一沖

行程: OUTLET >> 那霸機場

話咁快就到旅程最後一日
由於民宿去機場都要兩個半鐘車程, 所以今日原本無plan任何行程
諗住係民宿hea下就去機場..我地係下午四點幾機
但朋友又想去outlet買LC煲, 咁就朝早起身搞掂身就早啲出發
出到那霸有時間就去轉OUTLET

終於有一日係我早醒過大爺

兩父子仲未起身

我梳洗完大爺就醒左
一落黎就話幫我地沖咖啡~一口氣沖左4杯

幫佢換好衫, 俾佢睇youtube等佢坐定定
我地就要執行李準備去返那霸巿

返到香港無得成日睇架喇!!

大爺既飯團早餐

臨走同間屋合照下先

有陪玩專員你話幾好呢~haha

門口個牌好夏日feel

再見喇, 下次有機會住過啦~

呢程車太長途, 大爺臨到那霸巿係度郁身郁世又唔瞓, 又話肚痛
我估佢係暈車浪, 次次暈車浪都係咁
差不多到outlet仲嘔添....好彩帶定啲膠袋o係身

我地比預計早左成45分鐘到
大爺爸話見我地咁想去outlet所以ja快啲喎, 好彩無俾人捉超速
其實明明就係佢想去outlet買鞋咋嘛...

我地一落車就直衝去shopping喇!! 我地有2個鐘時間...YEAH!

大爺話要自己拎去俾錢

兩父子以勝利既姿態咁行出黎

可憐我一對鞋都買唔到=.=!!

買完對鞋大爺好快暈左

我鞋又買唔到,唯有去100yen店掃下啲平野
真係好鐘意行日本啲100yen店, 樣樣都好靚...

我地一家三口Outlet淨係買到呢度咁多咋..

我行100YEN店時叫左大爺爸抱大爺去坐低, 順便快速食啲野先
 點知佢揀左食拉麵 ((但大爺係唔食拉麵架囉))

食完再睇下有乜岩大爺食

結果買左個蕃薯俾大爺, 夠飽肚啊嘛..WAKAKAKA

見佢食得咁滋味, 叫佢俾啲我食..
啊~~~~又真係好好味!!啲皮又甜又脆, 入面啲肉都好甜
唔怪得大爺食到咁享受既樣啦~

食食下又話要"咩"返自己袋戰利品

真係好好味!!

剛好2點行完就去還車,再搭shuttle去機場
去到機場等check in 排好長龍, 我就同大爺行下睇下又有啲乜食

發現有呢杯雪糕, 但我同大爺都麻麻地, 因為係牛奶味...我最怕
結果即刻行返去搵大爺爸孝敬佢wakaka..好彩大爺爸欣賞呢杯野啫..

未起飛己經又玩啲制, 又開張枱, 搞搞震

回程食完飛機餐, 打左陣機 (扮識打) 就瞓左喇!!
 不過瞓左半個鐘都無就醒左..

臨降落大爺又話唔舒服, 又話肚痛
我又拎定個膠袋出黎, 估佢又想嘔, 果然降落左未落機己經嘔

返屋企喇!!

感想:
大爺今次第二次去旅行,同第一次一樣, 大爺都好enjoy好開心,
呢5日亦都好乖好合作,我地shopping, 佢又陪我地

無扭要抱, 自己行! 玩完一上車就瞓, 到目的地就醒... 

佢真係唔會蝕左啲玩樂時間..haha

但亦都同上次一樣, 一上床瞓覺佢就思鄉病發, 碌黎碌去又話瞓唔著
又話酒店啲床都唔好瞓, 但朝早起身又無事好開心去玩架喎...

沖繩呢個地方, 我真係好鐘意, 下次一定會再去! 好岩一家大細去~
去玩既地方就算假日都唔會迫人, 食物又岩大爺食, 自駕遊非常之正!!
今次去5日真係唔夠!!!XD 下次想試下夏天去一次~玩下水

亦都好多謝對朋友,真係好好好伴旅
又唔介意做陪玩專員!