三個女人首爾遊[[DAY2]]ISAAC-->首爾塔-->高速鐵路地下街--> 馬場洞-->明洞

 21 MAY 2015

三個女人首爾遊[[DAY2]]

ISAAC-->首爾塔-->高速鐵路地下街--> 馬場洞-->明洞

尋晚咳到死死下完全瞓唔到,無覺好瞓!!
眼光光見住個天由黑變光先瞓到一陣仔=.=
依個旅程如果唔咳, 會更加完美T__T

九點起身就出發喇!!
我都唔記得點解我要影明洞呢個牌, 其實我只係轉車經過XDD

主要係想影依隻俾大爺睇
成日覺得依隻野同四眼雞丁好似

一場黎到, 當然會一會ISAAC吐司有幾好味

叫左最普通既煙肉+蛋

大大份, 熱辣辣 (但我唔鐘意佢入面啲沙津漿)

一路食一路行上去搭攬車
行上去搭攬車都一段斜路=.=!!都幾辛苦
 終於到啦~

今日唔係假期, 唔算多人, 等左一架先到我地
天氣又好, 風景又好!!

周圍慢慢逛下, 影下相!好耐無試過咁hea

南山塔

行行下見有得免費著韓服影相
緊係又排埋一份啦!!wakakakaka
因為我想著佢套男裝韓服XDDDD
 入型入格, man到呢~~~~

再黎!!我個女伴都好冧

一場黎到,點都要買個鎖, 我想黎鎖好耐架啦..hahaha
我咪就係韓劇上腦個啲C奶囉XP
雖然我個情人無黎, 但我都買個鎖鎖住佢

買左青BB, 我最愛既色, 同朋友一人一個

我仲唔蝕, 寫埋大爺鎖埋佢, kekeke
一鎖鎖兩人, 超抵!!

你地兩個走唔出我手指"LA"架喇!!

都敏俊si, 揇下先!!
紙牌都照殺

行完搭返落去
今次搵到單軌life喇, 唔使行落山咁辛苦!!

今日lunch係食芝士排骨鍋!!

woo!!

正到呢~都未食己經知好正!

唔好意思, 我同大爺啲表情都一樣咁浮誇既~XDDD

嗌左少辣,對我黎講己經好辣lu!!
撈埋啲芝士食又好夾喎, 辣得好野味...yummy yummy!!!

兩個女仔食己經夠晒飽
本來諗住加飯落去炒, 但都食唔落了!!最後無加~

食飽飽去shopping
去左又多野行又平既"高速鐵路地下街"
 好似無盡頭既地下街, 有排行
好多衫都係10000W咋, 超抵!!

買左幾件衫, 鞋, 襪..滿載而歸

買完唔經唔覺又到dinner時間喇!!
我地今餐dinner去馬場洞食韓牛

見到間小學門口有TAYO, 又影下俾大爺睇

馬場洞
好多凍肉舖, 自己揀岩一間買, 然後就拎去附近餐廳燒
其實我地都唔識揀, 見個阿豬媽幾好笑肉就幫襯佢

好多款!!!有啲pack好晒~

我地兩個人食, 買左兩pack

阿豬媽推介呢盒1++韓牛

諗住自己搵餐廳, 點知個阿豬媽就拎左我地兩盒韓牛叫我地跟住佢
仲行到鬼死咁快, 我地要急步追住佢=.=
佢帶左我地去左呢間餐廳~ 俾開爐費 (人頭計)

仲有呢啲配菜

首先試左個1++韓牛

幾咁認真

好他條咁慢慢包haha

登登, 食得!!!

呢個1++韓牛真係超級超級好味, 超讚啊!!!
好有牛味, 一食落又多汁, 呢次旅程最最好味係依個韓牛
食完一盒, 忍唔住又落去買多pack上黎~

唉, 好掛住, 幾時先有得再食呢~~~

食飽飽, 去明洞行下消化下先!!

其實主要目的幫宜姨買波鞋=.=~如果唔係都唔會去明洞

以前黎韓國好流行食吱到好長既雪糕
呢家就流行食依個J型筒既雪糕

個筒有唔同味揀, 我地揀左朱古力味
味道都OK啊, 唔似軟雪糖,似雪笆多啲咁..

依個旦糕仔上面有蛋既都好味!

完成宜姨俾我既任務就返酒店lu!!!

酒店樓下就有大排檔, 我地買左魚旦返去嘆!!

DAY2好滿足, 食到芝士排骨鍋同超好味既韓牛